Live Udaawo qaraxii xalay ee Xaafada islii ee Lagu dhaawacay Yuusuf xassan ee masaajidka Al-hidaaya
Inta la ogyahay afar ruux ayaa geeriyootay ku dhawaad 10 kalana dhaawacyo ayaa kasoo gaaray qarax xoogan oo caawa ka dhacay xaafada Isii ee magaalada Nairobi.
Dadka dhaawaca uu soo gaaray ayaa waxaa kamid ah xildhibaanka deegaanka laga soo doorto deeganka Kaamakunji Yuusuf Xasan Cabdi.
Qaraxan ayaa ka dhacay masjidka Alhidaa hortiisa sida uu soo sheegayo Wariye katirsan Warqaad.com oo tagay halka qaraxa uu ka dhacay.
Qaraxan ayaa dhacay kadib markii laga soo baxay salaadii cishe ee caawa, waxaana xiligii qaraxa uu dhacayay la sheegay in uu su’aalo uga jawaabayay dad shacab ah.
Ciidamada amaanka Kenya ayaa guud ahaan la wareegay halka qaraxan uu ka dhacay iyagoo ka wada howlgallo balaaran oo lagu baadi goobayo kooxihii qaraxaas ka danbeeyay
Qaraxan ayaa imaanaya xili habeenkii arbacada qarax xoogan uu ka dhacay section Three isla xaafada Islii ee magaalada Nairobi
Dhanka kale Wariye kusugan halka loo yaqaan Jamka oo katirsan Xaafada Islii oo caawa qaraxa uu ka dhacay ayaa sheegaya in rasaas xoogan la maqlayo.
HALKAN KADAAWO VIDEO KUTUSAYA QARAXII
Rasaastan ayaa waxaa lagu kala ceyrinayaa dad Soomaali ah oo ku qamaamay gaadiid iyo dadka kenyanka ah ee kusugan meel an ka dheereyn halka qaraxa uu ka dhacay.
“Rasaas ayaa dhacaysa, ciidamo katirsan kuwa Kenya oo mootooyin wata ayaa lagu soo daadiyay halkan, Soomaalidana waa lakala ceyriyay”ayuu sheegay Wariyahan kusugan Xaafada Jaamka oo kamid ah Islii.
Howlgallo balaaran ayaa ka soconaya qeybo kamid ah xaafada Islii gaar ahaan halkii qaraxan uu ka dhacay ee masaajidka Al-Hidaya.
Qof soo maray jidka Jaamka e qaraxa uu ka dhacay waxaa uu sheegay inuu arkay gaadiid badan oo la jab jabiyay oo ay dad Kenyan ah lahaayeen.
Daawo Video badan oo xiiso leh
[...] HADABA MUUQAALKA QARAX OO TOOSA HALKAN KADAAWo [...]